Upalettuqi  minasakku ri olona tau toa malebbikku

       Parellu upalettukekki r iolona  emmak sibawa ambokku makkeddae iye essoe macengkek manemmua pappineddikku sibawa watakkalekku,nakupominasai toi sarekkuammengngi idiq maneng sibatu bola naengka tokki macengkeq namario-rio sippada upineqdingnge ri Juppandang.

      Naiyakkia,engka minasa parellu upalettukekki makkeddae  pammula iye essoe engka parellu kupaka engka ri sikolaku iyanairutu parellukaq doiq maega. Naiyaro doiq eloqke uparelluang iyanaritu pakkamaja assikolang sibawa pangelli pakkakkasaq passikolae.Masennaq uwissengna makkedda makkokkoe ennaqpa napura dirakkoi sikolaqe nenniya maricae.Namakkonaniro,millau tulungnga ripuangnge mamuare runtuqki dalleq laingnge nataulle mappkaengka doiq seddi juta egana natakiring magattiq lao ri Juppandang nakuwajaq magattiq parellukku.

       Narekko paleq deqgaga laleng taruntuq doiq riwettu cinampeqe,tabeq minrekkiq doloq ri mureku laingnge iyarega mappalaoki sikaju bembeqku iyarega sapikku, nasabaq deqgaga laleng tenniwajaq iyaro minasakku sibawa doiq pakkamajaq sikolaku.

      Parellu taisseq toi makkedda deqna namaitta,minasa pura laloku ulleni upakatajang rioolota maneng,nasabaq ceddeq  mani kulliakku uwaccoeri. Narekko puraq manenni ro, wulleni lisu ri kampongnge mappaqguru anaq-anaq sikolae ri kampongnge.Nasabaq  iyanaro macaji minasakku maittae utaro ri laleng atikku sibawa idiq maneng,Upominasa towi makkeddae tabeq  millau tulung tokki ri Puang Seuae mamuare naaretokki barakkaq  namagatti makkitajang iya minasata maneng.

     Pakkuniro paleq sureqku,mamuare namagattiqki runtuq doiq natakiring riwattu cinampeqe lao ri Juppandang.Deqku  pettu panrennuang mattajeng doitta sibawa lettuqna ri Juppandang.

Sujjuq  pappujikku sibawa rennu minasakku lao riolota maneng sibawa ininnawa temappinra mamuare runtukki asabbarakeng  mangngoloi tuo cinampetta.

Pole rianatta ri manado