Cerita rakyat Kab.Sinjai SUL-SEL(BEJO)
CARITANNA MASSAPIE RI
BEJO
riolo ri Sinjai Alau engka dua
akkarungeng Maloppo .Iyaro akkarungengnge ri tellaqi Akkarungeng Nangka sibawa
Akkarungeng Gareccing. Pabbanuanna duae ro akkarungeng masenna salewangeng
tuo-tuonna. Nangka maloang saloqna ritellaqe saloq Apareng sibawa galung
lowang. Pabbanuanna Nangka napuji manre bale nasaba maega bale ri saloqna.
Asena maegato sibawa bataqna. Arung Nangka sibawa pabbanua maegaE ri Nangka
napuji mattikkeng bale nappa lao nabaluq saisaqna lettu ri Gareccing. Risese
lainna Gareccing maloangto galunna mingka deggaga saloqna.Jaji bale eloqE
naanre tau Gareccingnge polepa ri Nangka.Makkuananaro nasanging silimbang
silaoi tau Nangkae na tau Gareccingnge.
MIngka ri Gareccing maega tedongna
sibawa sapinna. Jaji rekko engka tau Nangka perellu tedong,laoi massappaq ri
Gareccing.Ri Gareccing maega to ajunna nasaba engka aleq maloang ritellaqE aleq
Bikeru.Iya maneng aju elokke napake mappatettong bola pole manengpa ri
Gareccing.Makkuniro namasenna sipujinna tau Nangkae sibawa tau Gareccingnge.
Engkana seddi wettu nasiruntuqna anaqna Arung Nangka sibawa seddi Pangngulu
Adeqna Gareccing namakkutana ri Anaqna Arubng Nangka ritellakke Baso Nangka
, ,Magannapitu naelokki mabbali pangngara( mencari calon istri)’’ makkutanani Pangngulu Adeqna Gareccing ( Penghulu Adat ). Mabbali adani Baso Nangka makkedda
,,Makkunrai igana maeloq ri tau kasi-asina Nangka” napakatunani alena Baso Nangka.Iyaro wettue sitongenna engkana eloqna riseddie anaq dara iyanaritu anaqna Arung Gareccing ritellaqE Bunganna Gareccing, mingka masirikki napau.Mappuadani paimeng Pangngulu Adeqna Gareccing
,, Magai narekko maelokki ujellorang seddi anaq dara makae kibali mabbali pangngara” Makkutanasi pangngulu Adeqe ri Baso Nangka.Makkeddani Baso Nangka
,,Jeloranna mai Puang,igana missengngi namappattoneng ciccaqE ( mengiyakan si Cecak,maksudnya jadi). Maddeppeqne Baso Nangka nanarao limanna ( Menggenggam tangannya) Pangngulu AdeqE.Naruiqni nappasenna nanabicik ri acculinna abeoE ( telinga kiri) makkeddae
,,Upominasai ( kuharapkan) riidiq Baso, malunraq atitta ( hati tulus) madduta ri Bunga Gareccing,dua akkarungeng maloppo ripancaji seddi”.mappaleceni Pangngulu Adeqna Gareccing. Mabbali adani ( menjawab) Baso Nangka makkedda
,,Masirikka Puang,nasaba Tomatoanna Bunga Gareccing tau masugi,maega tedonna,maloang galunna,maega aleqna,maega waramparanna ( harta ).Tappaq mabbali adani paimeng Pangngulu AdeqE
,, Maega memeng mingka maeloq tonni mamminittu ( mempunyai mantu)
,,Tajenna baja “ mabbali adani Baso Nangka
Bajanna laoni dutanna Baso Nangka madduta ri bolana Arung Gareccing Rillettuqna dutana ri bolana Bunga Gareccing tappaq makkeddani Arung Gareccing.
,,Utarimani dutatta,ajaqna mutiwirakka tedong nasabaq maega tedokku,ajaq tonna mutiwirakkaq berreq nasaba maloang galukku,Iyami kuillau tiwirangnga mai siampoti waena saloq Apareng” Takkiniq manenni pattiwiq dutae namakkedda
,,Tajenna nakutiwirakki waena Apareng siampoti ( sekeranjang)” nappa meddeq ( pulang)
Lettuqna ri bolana Arung Nangka makebbuqni maega ampoti,engka ampoti baiccuq,engka tengnga-tengnga engkato maloppo.Nanacoba naliserri wae deggaga waena monro,tabbe manengngi waena.Macaiqni Arung Nagka nasaba deggaga wae monro ri ampotie naeloqni menreq bottingnge. Naddemperrang manenni ampotie lao ri saloqE rilabu essoe ( sore hari).Wenninna napaggopponi sining taunna ( rakyatnya) namakedda
. .Makkebbuq manekko ampoti, namo baiccuqna weddingnge naliserri wae namo ceddeqmua”. Nappa nahelai manenni taunnna.Wettu taqbuaqna( menjelang tengah hari ), engkana seddi taunna naisseng engka ampoti ri salokke, nalao nasappaq ampotiero,Iaro taue deq naissengngi makkebbuq ampoti,jaji laoni massappaq ri saloqE.Napileiniro ampotie kennae engka waena,Duappuloni ampoti nadeppa gaga waena monro.Natappa naitani seddi ampoti nassarangi ( dijadikan tempat sembunyi) bale massapi ( ikan belut ).Naalani ro ampotie anatikkeng massapie napariampoti laingnge. Lecceqniro massappie ri ampoti laingnge,mingka wae riampoti,ampoti bate assaranna massapie maega mopa waena,naabbeassi waena, naliserrrisi paimeng ,tetteq( tetap) mopa engka waena.Larini lao ri arungnge makkedda engkana kutiwiq 9nwae siampoti.Takkiniqni arungnge,namakkutana maganammonro waena.Mabbali adani ( menjawab) taunna makkedda,,Iyaro lengngeqna ( getah) massapie paonroi waede ri ampotie.Nacobani arungnge mattikkeng massapi nappa napattamaq ri ampotie nappa naleppessassi nanaliserri wae,namonro tongenniro waede.Tappa makkeddani,,E….sining taue ri Nangka ajaq lalo muanreki massapie,nasaba iyaro patettongngi siriqna to NangkaE” Laoni botting Baso Nangka natiwiq waena siampoti.Naabberenna ampotina ,namakkeddani Arung Gareccing,utarimano nanubottingi anakku Bunga Gareccing.Naisse tonni makkeddda massapi tulungngi Baso Nangka namakkedda tonna..Sininna tau Gareccingnge ajaq lalo muanre Massapi” Deqna maitta bottinna makkianaqni Bunga Gareccing naritellaqni anaqna Bejo.Lettu makkokkoe sininna tau Nangka na Gareccing deggaga maeloq manre Massapi nasaba pura natulung nenena riolo.
6 komentar — Skip ke Kotak Komentar
adakah yang bisa memberi tau dimana sesungguhnya tempat arung nangka dan baso nangka dan besse nagka.(allinrungenna) maaf, kalau bisa diistilahkan seperti itu. karena salah satu keris beliau ada di saya.
historis keberadaanya di saya, saya akan ceritakan insya Allah.
Maaf bukannya bapak sudah pernah dateng lansung ke makam puang baso nangka dan puang bunga gareccing (besse nangka), kenapa masih bertanya - tanya dimna sesungguhnya tempat arung nangka, padahal tanah tempat dimana mereka dimakamkan adalah dimana tempat dulunya kerajaan nangka berdiri. Apakah tidak salah, anda mempunyai keris tapi tidak mengetahui tempat kerajaan nangka berdiri. Makanya saya heran sama bapak, kenapa tidak bisa tahu letak kerajaannya, sedangkan saya tahu persis dimana tempat kerajaannya pernah berdiri.
Kalau boleh tau siapa namax arung nangka?
Sya hrus bertanya krn sya keturunan dari la pallaguna baso nangka
Andi Baso Talebu Dg Manaba
Itu yg saya tahu saya adalah cicit beliu
Ada yg bahasa Indonesia gak? Karena saya ogi hilang
Posting Komentar — or Kembali ke Postingan