Home > > Cerita Rakyat sulawesi selatan (Rapunsele)

Cerita Rakyat sulawesi selatan (Rapunsele)

Bagikan ke Teman! :

RAPUNSELE

Riolo mariolo,nia sere kalabini sanna’ naminasainna appunnai sitau ana.Anjo minasanna harusukki napakasinarrang. Ri bokoanna balla pammantanganna nia’ se’re koko sanna’ kanang cinikanna. Namingka anjo kokoa, sannaq rapakki tembo’pakkalli’na, nasaba patanna anjo kokoa iyamiantu se’re pasehere lompo. Nia’mi se’re wattu,nammentemmo bainenna ri sa’ri tontongag balla’na maccini’-cini’ mange ri kokoa anjo.Naccini’mo sijaiang lamung-lamung rapunsele sanna’ kanang cinikanna na ba’lalo mumbai cipuru battanna.Pila’ mae, pila’ sanna’ cipuru’na, naharusukki angkaddokki anjo rapunselea.Mae-mae allo, pila’ dokkong batang kalenna,pila’ tamisi’mi rupanna. Namakkanamo mange ri bura’ne julu tinrona angkanaya ,,Umbarang nakke takukulleai kukaddo’ anjo rapunselea lalang kokonna sepe’ bolayya,nakulle nakke ero’ma limbang ri anja”

Ba’lalo anjo bura’ne julu tinrona, naambikki tembo’ pakkalli’na kokoa nanaallemo sikangkang rapunselea.Anjo bainenna, naminasaiki pole julu tinrona lonna a’limbang pole lalang kokoa anjo. Namingka nijakkala’mi ri pasehereka.Sanna’ larrona anjo pasehereka,mingka appala popporoki anjo bura’nenna mange ri pasehereka.Namakkanamo anjo pasehereka angkana,, Kullejako angngalle sikontuna rapunsele numinasaia,namingka punna nia’ ana’’ nulassukang sallang, harusukko ampassareangngi mae ri nakke”. Sanna’ malla’na anjo bura’nenna nana pattojeng anjo pappala’na. Tangasalloji, nilassukammi ana’na niarenga I Rapunsele na ba’lalo niallemi ri pasehereka. Wattu lantenamo umuru’na sampulo anrua taunna,anjo pasehereka nasabbumi I rate manaraya.Manaraya anjo taena pakkebbu’na siagang tuka’na passangalinna sibatu tontonganna. Naia uhu’na anjo I Rapunsele sanna’ labbuna.Punna battui anjo pasehereka,makkanaji,, Rapunsele,rapunsele,panaunganga mae uhu’nu” na anjoremmi anjo ri uhu’na angngambi’ manai’ ri manarayya. Nia’mo se’re wattu nabattu se’rea ana’ pattola nanalangngere I Rapunsele makkelong-kelong.Anjo ana’pattolaya mappassulu janjinna lonna ambattui tungga’-tunggala bangngi.Namingka kaassengai ri pasehereka rikaniakkanna anjo ana’ pattolaya sumpaeng.Na rimania’namo pole anjo ana’ pattolaya ansioriki, ba’lalo nisorongammi manaung ri buttaya.Naiya ana’ pattolaya tugguru’mi manaung ri romang-romang jaia katintinna,naapannamo anjo loko’mi matanna.Naniondammi anjo pasehereka ri Rapunsele saggenna lantemi ri parang kassikka.

Napammula anjo wattua, ana’ pattola butayya matanna, lampa salampa mami naboya I Rapunsele ri sikontuna sepe’-sepe’na borika. Nania’mo se’re wattu, ba’lalo nalangngeremi pole sa’ranna I Rapunsele, naniraka’mi ri Rapunsele nasikarrukang.Ba’lalo tugguru’mi je’ne matanna I Rapunsele mantama’ lalang matanna anjo ana’ pattolaya na tappa kullemi pole maccini .Naerammi I Rapunsele lampa ri bori pakkaraenganna. Nanjoremmi anjo, tallasami lalang salewangang mannannungang.