Home > > Cerita rakyat sulawesi selatan I Basse Awu (cinderella ala makassar)

Cerita rakyat sulawesi selatan I Basse Awu (cinderella ala makassar)

Bagikan ke Teman! :

I BASSE AWU

Riolonia’carita katalassanna se’rea taulolo.Anronna sallomi lingka ri anja.Lanri limbannamori anja anjo anronna, manggena abbuntingngi pole siagang se’rea baine rua ana’na.Lanri kammanami anjo, appammulami mumba ballasa’ katallassanna anjo tau loloa. Sikontuna pakeang baji’na, nialle ngasengngi, naanjo tauloloa harusu’i anjama terasa appammula mumbana dallea saggenna lantang bangngia lalang pakeang awu-awuna.Taena ranjang katinroanna, nakajarianna sanging attinroami ri sa’ri pappalluangnga sileo’ awu. Nakajarianna sanging ra’masa’mi cinikanna, naiami anjo, nigallara’mi risikontuna tuncinikai angkanaya I Basse Awu.

Nia’mo se’re wattu, anjo manggena erokki a’lampa mange ri bori’ maraeng, namakkuta’nammo mange ri sikontuna ana’na angkanaya, ke’nang apa numinasai kuerang pole battu ri lampaku. Mabbali kanami ruaya ana’ awona naminasainna angkanaya erokki nipangngerangngang muttiara siagang paramata, namingka I Basse Awu tangke kayuji naminasai. Nakammanami anjo,rimania’namo ammotere manggena, nipangngerangngammi tangke kayu hassele, natabbangka nalamummi ri sa’ri jerana anronna. Tangasalloji nalamunna anjo tangke kayua, na majjarimi se’re pokok kayu lompo.Taena allo nasakkai I Basse Awu mange ri jera’na anronna nammempo rawanganna anjo pokokna kayu hasselea. Tunggala wattu,sanging mumbana sikayu jangang-jangang kebo’, napunna anjo I Basse Awu napalabbarrang sikontuna minasanna, anjo jangang-jangangnga nasareangngi ri sikontuna naminasaia.

Nia’mo se’re wattu na karaeng lompoa erokki appare’ paggaukang lompo nanakioki sikontuna taulolo bajikka tanja’na ri lalang borikka, sollanna anjo ana’ pattolaya kullei angguppa julu tinrona.Ruaya saribattang awona I Basse Awu angguppa tongngi pabbiritta. I Basse Awu nia’ todong minasanna ero’ a’lampa mange ri gaukka, namingka nakana anrong awona,, Kau sanna’ ra’masa’nu,taena baju na sapatu baji’nu, naero’ tongko akkarena?. Naribokoanna makkanami anrong awona,, Erok kutumpangngi simangkok canggoreng antama ri awua, kullejako lampa ri paggaukangnga, punna nukulleji nupa’nassa sikamma ri memanna anjo canggorengnga”. Appala’ tulummi I Basse Awu mange ri jangang-jangangnga.Tangasalloji, mumbami makkawang sijaiang jangang-jangang lonna napa’nassa anjo canggorengnga sumpaeng nanaboli’ lalang mangkoka.Namingka anjo anrong awona,tatta’ji mumba terasa’na, nanaminasai pole napa’nassa rua mangkok canggoreng. Namanna mamonjo nakamma, I Basse Awu anjo tippa’ji napa’lebbaq jamanna lanri ambutulu’na pattulung battu ri jangang-jangangnga, na anrong awona lampami siagang ruaya ana’na mange ri paggaukang lompona karaengnga.

Anjo I Basse Awu sanna’ pa’risi atinna, natabbangka allarimo mange ri sa’ri jera’na anronna.Naanjoreng ri jera’na makkanami ,,Oh pokok kayu caddiku, pasintak na pagenggoangnga kalennu,rembassang laloa mai kodong sikontuna bulaeng na salaka”.Natabbangka mabbummi battu rate ri pokok kayua silawara baju mattambiring bulaeng siagang sapatu sannaq gammara’na. Naiaya tommi anjo bayua siagang sapatua napake I Basse Awu mange ripaggaukang malompoa. Taena tau manna mamo se’re kulle anrupai lalang paggaukangnga anjo, namanna ana’ pattolayya taena naero’ akkarena punna tansiagangngi anjo tau tanniassengnga. Pakammami pole ri allo maka ruana na allo maka tallunna.

Battumi pole sassang lantang bangngia, natabbangka ero’mi I Basse Awu amotere ri balla’na na ana’ pattolaya erokki naasseng kerei mae ke’nang ammantang.Namingka anjo I Basse Awu sanna’ lacciri larinna,nakajarianna anjo ana’ pattolaya tamakkulleai napinawang. Natappa’ ta’lappasakki siwali sapatunna I Basse Awu nanibuntulukki ri ana’ pattolaya.

Naniboyami I Basse Awu ri ana’ pattolaya mange risikontuna borikka.Makkuta’nammi mange ri sikontuna tutabbalaka namakkana,, Nakke ero’ja abbunting siagang baine cocokka bangkenna ri sapatu bulaengnga anne”. Ba’lalo napolommi anrong bangkenna saribattang awo toana solanna nacocoki ri bangkenna na saribattang awo makaruaya napolong tongngi kantunu’na.Nipadongko’ jarammi ruayya saribattang awona ri ana’ pattolaya sangkammaya bali bunting bainena, namingka bukkuru’ ampakaingaki nanapauang angkanaya bunting baine satojeng-tojengnga, nia’ injapi mempo ilalang balla’. Natappa motere’mo pole anjo ana’ pattolaya mange ri ballaka sumpaeng nanabuntulukki nanapa’nassa iami anjo I Basse Awu. Napasammi anjo sapatua ri bangkenna I Basse Awu natabbangka sanna coco’na ri bangkenna. Nanierammi I Basse Awu mange ri Balla Lompoa,tallasa lalang salewangangmi sipa’rua sanggenna mange mattayang ri kalabbusang tallasa’na.